മെഡിസിന്‍ @ ബൂലോകം

മാംസാഹാരം ശരീരത്തെ ഒറ്റിക്കൊടുക്കുമോ ? (കമന്റ്) നവംബര്‍ 3, 2008

മാംസാഹാരം ശരീരത്തെ ഒറ്റിക്കൊടുക്കുന്നു എന്ന തലക്കെട്ടില്‍ കുറിഞ്ഞി ഓണ്‍ ലൈനില്‍ വന്ന പോസ്റ്റിനുള്ള കമന്റാണിത്. വിഷയം വൈദ്യമായതുകൊണ്ട് ഇവിടെ പോസ്റ്റാക്കി ഇടുന്നു.

കുറിഞ്ഞിയിലെ പോസ്റ്റില്‍ പരാമര്‍ശിക്കപ്പെട്ട പഠനം പ്രൊഫ:അജിത് വര്‍ക്കിയുടെ ദീര്‍ഘകാല ഗവേഷണങ്ങളിലെ ഏറ്റവും പുതിയതായി നേച്ചറില്‍ വന്നതാണ്. അതിന്റെ പശ്ചാത്തലം കൂടിയറിഞ്ഞാല്‍ വിഷയം കൂടുതല്‍ മനസിലാകും:
സയാലിക് ആസിഡുകള്‍ എന്നത് ജന്തുക്കളിലെ കോശസ്തരത്തില്‍ പൊതുവേ കാണപ്പെടുന്ന പഞ്ചസാരപോലുള്ള തന്മാത്രയാണ്. പല രോഗാണുക്കളും പരാദ അണുക്കളും ജന്തു കോശത്തില്‍ പറ്റിപ്പിടിക്കാന്‍ ഈ സയാലിക് ആസിഡ് കണങ്ങളെ ഒരു “കൊളുത്താ”യി ഉപയോഗിക്കാറുണ്ട്. മനുഷ്യവര്‍ഗ്ഗം കുരങ്ങുകളുമായി പരിണാമവഴിയില്‍ പിരിഞ്ഞ ശേഷം ഉണ്ടായ ഏതോ മ്യൂട്ടേഷന്റെ ഫലമായി N-glycolylneuraminic acid (Neu5Gc) എന്ന സയാലിക് ആസിഡ് ഗണത്തില്‍ പെടുന്ന തന്മാത്രകള്‍ നിര്‍മ്മിക്കാനുള്ള കഴിവ് മനുഷ്യശരീരത്തിലെ കോശങ്ങള്‍ക്കില്ലാതായി. മനുഷ്യനൊഴിച്ചുള്ള സസ്തനികളിലെല്ലാം Neu5Gc ഉണ്ട്. അങ്ങനെയിരിക്കെ, ചില മനുഷ്യകോശ പരീക്ഷണങ്ങളില്‍ കുടലിന്റെയും ധമനികളുടെയും ഭിത്തിയിലെ മനുഷ്യകോശങ്ങളില്‍ ഈ Neu5Gc ഉണ്ടെന്ന് കണ്ടു. സ്വയം ഇതുണ്ടാക്കാനുള്ള ജീനുകള്‍ ഇല്ലാതിരിക്കെ, മനുഷ്യനില്‍ ഇത് വന്നതെവിടെനിന്ന് എന്ന്‍ അന്വേഷണമായി. പക്ഷികളിലും മീനിലും ഈ തന്മാത്ര താരതമ്യേന കുറഞ്ഞ തോതിലേ കാണാറുള്ളൂ. സസ്യങ്ങളില്‍ തീരെയില്ല എന്നുതന്നെ പറയാം. മനുഷ്യരെ Neu5Gc ന്റെ ശുദ്ധരൂപം കഴിപ്പിച്ചശേഷം പരിശോധിപ്പിച്ചപ്പോള്‍ അവരുടെ മൂത്രത്തില്‍ ഭാഗികമായി ഇത് വിസര്‍ജ്ജിച്ചതായും കുറേ ഭാഗം ശരീരരോമത്തിലെ കോശത്തിലും മറ്റും കയറിപ്പറ്റിയതായും കണ്ടു. Neu5Gc ധാരാളമായുള്ളത് നാം സാധാരണ ആഹാരമാക്കുന്ന സസ്തനികളുടെ (കാള,പശു,പോത്ത്,ആട്) മാംസത്തിലും പാല്/പാലുല്പന്നങ്ങളിലുമാണ്. ഈ Neu5Gc തന്മാത്രയെക്കെതിരേ മനുഷ്യശരീരത്തിന്റെ രോഗപ്രതിരോധസിസ്റ്റം ചെറിയതോതിലുള്ള ആക്രമണവും നടത്താറുണ്ടെന്ന് കണ്ടെത്തിയതോടെ ശരീരത്തിന്റെ ഇമ്യൂണ്‍ സിസ്റ്റം അമിതമായി പ്രതികരിക്കുന്നതിലൂടെ ഉണ്ടാവാമെന്ന് കരുതുന്ന രോഗങ്ങളില്‍ Neu5Gc യുടെ റോള്‍ എന്ത് എന്നായി അന്വേഷണം. Red Meat അഥവാ സസ്തനികളുടെ (ബീഫ്,മട്ടന്‍ ആദിയായവ) മാംസത്തില്‍ അടങ്ങിയിട്ടുള്ള പൂരിത കൊഴുപ്പ് ക്യാന്‍സറിനും ഹൃദ്രോഗത്തിനും കാരണമായേക്കാം എന്ന ചില പഠനങ്ങളുണ്ട്. ഇത് പൂരിത കൊഴുപ്പ് കാരണമാവില്ല, മറിച്ച് ഈ ആഹാരത്തിലൂടെ ഉള്ളില്‍ ചെല്ലുന്ന Neu5Gc ഉണ്ടാക്കുന്ന പ്രതിരോധപ്രവര്‍ത്തനത്തിന്റെ പാര്‍ശ്വഫലമാവാന്‍ സാധ്യതയില്ലേ എന്നാണ് അജിത് വര്‍ക്കി സാറിന്റെ പഠനങ്ങളില്‍ ചിലത് അന്വേഷിക്കുന്നത്. എന്നാല്‍ ഈ ബന്ധം സ്ഥിരീകരിക്കപ്പെട്ടിട്ടില്ല.

ഈ പശ്ചാത്തലത്തില്‍ തന്നെയാണ് ഈ പോസ്റ്റിന്റെ വിഷയമായ പുതിയ പഠനമെങ്കിലും മലിനമായ ഭക്ഷണത്തിലൂടെയും പാല്‍ വഴിയുമൊക്കെ നമ്മുടെയുള്ളില്‍ ചെല്ലുന്ന STEC എന്ന ബാക്ടീരിയ Neu5Gc തന്മാത്രയെ ഒരു “കൊളുത്താ”യി ഉപയോഗിച്ച് അണുബാധയ്ക്കു കാരണമാകുന്നതിന്റെ സാങ്കേതികതയിലാണ് പുതിയ ഗവേഷണത്തിന്റെ ഊന്നല്‍.

കമന്റ്:

തെറ്റിദ്ധാരണാ ജനകമായ റീ‍സേര്‍ച് റിപ്പോര്‍ട്ടിംഗിന്റെ ഉദാഹരണമായി ഈ പോസ്റ്റ് എന്നു പറയാതെ വയ്യ ജോസഫ് മാഷേ. മാഷ് മാത്രമല്ല, പല വെബ് സൈറ്റുകളും, വിശേഷിച്ച് വെജിറ്റേറിയനിസം പ്രമോട്ട് ചെയ്യുന്നവ, വളച്ചൊടിച്ചാണ് ഈ ഗവേഷണം റിപ്പോര്‍ട്ട് ചെയ്തിട്ടുള്ളത്.

1. മാംസാഹാരം ശരീരത്തെ ഒറ്റിക്കൊടുക്കുന്നു എന്നതു വായിച്ചാല്‍ മാംസാഹാരത്തിനെതിരായി വന്ന പഠനമാണിതെന്ന് തോന്നും. “മാംസാഹാരം ശരീരത്തിന്‌ അത്ര നന്നല്ല എന്നതിന്‌ ഒരു തെളിവ്‌ കൂടി.” എന്ന വാചകം ഈ ഗവേഷണത്തെ സംബന്ധിച്ചിടത്തോളം പരിഗണനയിലേ ഇല്ലാത്ത വിഷയമാണ്. മലിനമായ മാംസാഹാര‍ത്തില്‍ വളരാന്‍ സാധ്യതയുള്ള, ഷിഗാ ടോക്സിന്‍ ഉല്‍പ്പാദിപ്പിക്കുന്ന, ഒരു തരം Escherichia coli എന്ന ബാക്ടീരിയം (STEC) അതിന്റെ സട്ടിലേസ് സൈറ്റോ ടോക്സിനും ആഹാരം വഴി മനുഷ്യശരീരത്തിലെത്തുന്ന Neu5GC എന്ന ഗ്ലൈക്കനുമായി പ്രതിപ്രവര്‍ത്തിപ്പിച്ച് അണുബാധയ്ക്ക് കാരണമാകുന്നതിന്റെ മെക്കാനിസം ആണ് ഈ ഗവേഷണത്തിന്റെ ഫോക്കസ്.

Red meat – ബീഫ്, മട്ടണ്‍ ആദിയായ സസ്തനികളുടെ മാംസം -ആണ് പരാമര്‍ശവിഷയം. ഒപ്പം പാല്‍/പാലുല്‍പ്പന്നങ്ങളും. ഇവയില്‍ Neu5GC ഗ്ലൈക്കന്‍ സമൃദ്ധമാണ് എന്നതിനാല്‍ ഇവ കഴിക്കുന്നതിലൂടെയാകാം Neu5GC മനുഷ്യശരീരത്തിലെത്തുന്നത് എന്നാണ് ഈ ഗവേഷണത്തിന്റെ ലൈനിലുള്ള വര്‍ക്കിസാറിന്റെ തന്നെ മുന്‍ കാല ഗവേഷണങ്ങള്‍ സൂചിപ്പിക്കുന്നത്. സൂചിപ്പിക്കുന്നേയുള്ളൂ, പോപ്പുലേയ്ഷന്‍ പഠനങ്ങള്‍ വഴി തെളിയിക്കപ്പെട്ടിട്ടില്ല ഈ അവകാശവാദം.

Neu5Gc എന്ന ഗ്ലൈക്കന്റെ അളവ് പഴം,പച്ചക്കറി,മുട്ട,മീന്‍,കോഴിയടക്കമുള്ള പക്ഷിയിറച്ചി എന്നിവയില്‍ വളരെ താഴ്ന്നതാണ് എന്ന് മുന്‍പേ കണ്ടെത്തിയിട്ടുണ്ട്. ഈ പഠനവും ഇതേ ലൈനിലുള്ള മുന്‍ പഠനങ്ങളും അവയെ ഈ “അപകട സാധ്യതാ” ലിസ്റ്റില്‍ നിന്നും ഒഴിവാക്കിയിട്ടുണ്ട്. (2003ല്‍ വര്‍ക്കി സാറും കൂട്ടരും പ്രസിദ്ധീകരിച്ച പഠനം.)‍ മീന്‍, പക്ഷിയിറച്ചികള്‍ തുടങ്ങിയവ white meat ഗണത്തില്‍ വരുന്നവയാണ്. ഈ പഠനം അവയെ സംബന്ധിച്ചതല്ല.

മാത്രവുമല്ല, വലിയ പോ‍പ്പുലേയ്ഷന്‍ പഠനങ്ങളില്‍ മാംസാഹാരികളായ മനുഷ്യരുടെ കോശങ്ങളില്‍ ഈ പറയുന്ന Neu5GC ഗ്ലൈക്കന്‍ വ്യാപകമായി കണ്ടെത്തുകയോ ഇത് മാംസാഹാരത്തില്‍ നിന്നു തന്നെയാണ് ഇവരുടെ ശരീരത്തില്‍ ഈ ഗ്ലൈക്കന്‍ എത്തുന്നത് എന്നോ സ്ഥിരീകരിച്ചിട്ടൊന്നുമില്ല.

2. “രക്തത്തോടുകൂടിയ കഠിന വയറിളക്കത്തിന്‌ ഈ വിഷവസ്‌തു കാരണമാകും.ഹീമോലിറ്റിക്ക്‌ യുറേമിക്‌ സിന്‍ഡ്രോം (HUS) എന്ന്‌ ഈ മാരകരോഗം, ‘ഹാംബര്‍ഗര്‍ രോഗം’ എന്നും അറിയപ്പെടുന്നു. കേടുവന്ന ഇറച്ചി കഴിക്കുന്നവരില്‍ ഉണ്ടാകുന്ന അസുഖമായതിനാലാണ്‌ ഈ പേര്‌.”

പോസ്റ്റിലെ ഈ വാചകം വസ്തുതാപരമല്ല.

എസ്ചറീഷ്യ കോളൈ എന്ന വലിയൊരു ബാക്ടീരിയാ വര്‍ഗ്ഗത്തില്പെട്ട അസുഖമുണ്ടാക്കുന്ന ചെറിയൊരു വിഭാഗം ബാക്ടീരിയയാണ് ഷിഗാ ടോക്സിന്‍ ഉല്‍പ്പാദിപ്പിക്കുന്ന STECകള്‍. ഇവ മൂലമുള്ള അണുബാധ രക്തം കലര്‍ന്ന വയറിളക്കത്തിനു കാരണമാകാം. ഹീമോലിറ്റിക് യുറീമിക് സിന്‍ഡ്രോമെന്ന് (HUS) വിളിക്കുന്നത് അതിനെ അല്ല.

E. coli O157:H7 എന്നതരം STEC ബാക്ടീരിയമാണ് പ്രധാനമായും HUS ഉണ്ടാക്കുന്നത്. വയറിളക്കമായി തുടങ്ങുന്ന അണുബാധ രക്തസ്രാവത്തിനും തുടര്‍ന്ന വൃക്കത്തകരാറിനും കാരണമാകുമ്പോഴാണ് HUS എന്ന് അതിനെ വിളിക്കുക. ഇത് തലച്ചോറിനെ ബാധിക്കുമ്പോള്‍ Thrombtic Thrombocytopenic Purpura (TTP) എന്ന് വിളിക്കും.

പരാമൃഷ്ട പഠനത്തിന്റെ വിഷയമായ ഷിഗാ ടോക്സിനുല്പ്പാദിപ്പിക്കുന്ന E.coli അണുബാധ ഏല്‍ക്കുന്നവരില്‍ 5-10% ആളുകളിലേ HUS എന്ന മാരകാവസ്ഥയുണ്ടാകാറുള്ളൂ. താരതമ്യേന അപൂര്‍വമായ ഒരു ഇന്‍ഫക്ഷന്‍ വച്ചുകൊണ്ട് മാംസാഹാരത്തിനു മുഴുവന്‍ “മാരകത്വം” സാമാന്യവല്‍ക്കരിക്കുമ്പോള്‍ ഈ കാര്യങ്ങള്‍ ഓര്‍ക്കുന്നത് നന്ന്.

3. മാംസാഹാരം കഴിക്കുന്നതിലൂടെ വരാവുന്ന STEC അണുബാധ അതിന്റെ പത്തോ ഇരുപതോ കാരണങ്ങളിലൊന്നേ ആവുന്നുള്ളൂ. പാസ്ചറൈസ് ചെയ്യാത്ത പാല്‍, വെണ്ണ, ചീസ് ,ശുദ്ധമല്ലാത്ത വെള്ളം, മൃഗ മലവുമായി- ചാണകം അടക്കം – ബന്ധം, പശു എരുമ ആട് തുടങ്ങിയവയെ പാല്‍ കറക്കുന്നതു വഴി, പച്ചക്കറി പച്ചയ്ക്ക് കഴിക്കുന്നതു വഴി എന്നിങ്ങനെ വേറെ ഒരുപാട് വഴികളുണ്ട് ഈ അണുബാധയ്ക്ക്. (ഭൂരിപക്ഷം ഷിഗാ ടോക്സിന്‍ മൂലമുള്ള വയറിളക്കങ്ങളും അഞ്ചോ ആറോ ദിവസത്തിനുള്ളില്‍ സുഖപ്പെടുമെന്നതിനാല്‍ രോഗം വ്യാപകമായി പൊട്ടിപ്പുറപ്പെടുമ്പോഴേ റിപ്പോര്‍ട്ട് ചെയ്യപ്പെടാറുള്ളൂ.) കാര്യങ്ങള്‍ ഇങ്ങനെയൊക്കെയാണെന്നിരിക്കെ ഈ പഠനമെടുത്ത് മൊത്തം മാംസാഹാരത്തിനുമെതിരേ സാമാന്യവല്‍ക്കരിക്കുന്നത് വസ്തുതാപരമല്ല.

4. ഈ പഠനത്തില്‍ ഹീമോലിറ്റിക് യുറീമിക് സിന്‍ഡ്രോം ഉണ്ടാക്കാന്‍ കഴിവുള്ളതെന്ന് പറയുന്ന E. coli O157:H7 എന്ന അതേ “ഭീകര ബാക്ടീരിയം” പാകം ചെയ്യാത്ത സ്പിനച്ച് (പച്ചക്കറി)ലൂടെയും മാരക രോഗത്തിനു കാരണമാകാറുണ്ട്. എന്ന് വച്ച് ആരും “പച്ചക്കറി ശരീരത്തെ ഒറ്റിക്കൊടുക്കുന്നു – പഠനം” എന്ന് എഴുതില്ല !!

അനില്‍@ബ്ലോഗ് സസ്യാഹാരം ഇങ്ങനെ അപകടമുണ്ടാക്കുന്നുവെന്ന് മുന്‍പ് എഴുതിയ പോസ്റ്റിന്റെ ലിങ്ക് ഇവിടെ. അതിനുള്ള ഈയുള്ളവന്റെ കമന്റ് ഇവിടെ.

6. റീസേര്‍ച് വാര്‍ത്തകള്‍ക്ക് ശ്രദ്ധ പിടിച്ചു പറ്റുന്ന തലക്കെട്ടുകള്‍ കൊടുക്കുമ്പോള്‍ റിസേര്‍ച്ച് യഥാര്‍ത്ഥത്തില്‍ പറയുന്നതെന്ത് എന്നത് പലപ്പോഴും വിഴുങ്ങുന്നു; അല്ലെങ്കില്‍ കാര്യമായ പ്രാധാന്യം കൊടുക്കുന്നില്ല.

പോസ്റ്റില്‍ എഴുതിയിരിക്കുന്നത് :ശരിയായി വേവാത്ത മാംസവും പഴകിയ മാംസവും പാലുത്‌പന്നങ്ങളും ഉപയോഗിക്കുന്നത്‌ മാരകമായ ഫലമുണ്ടാക്കാമെന്ന്‌ ഈ പഠനം മുന്നറിയിപ്പു നല്‍കുന്നു.

വസ്തുത: “ശരിയായി വേവാത്തതോ പഴകിയതോ ആയ റെഡ് മാംസവും (ബീഫ്,മട്ടണ്‍)പാസ്ചറൈസ് ചെയ്യാത്ത പാലുത്‌പന്നങ്ങളും ഉപയോഗിക്കുന്നത്‌ ഷിഗാടോക്സിന്‍ ഉല്‍പ്പാദിപ്പിക്കുന്നയിനം എസ്ചറീഷ്യ കോളൈ ബാക്ടീരിയ മൂലമുള്ള ആരോഗ്യപ്രശ്നങ്ങള്‍ക്ക് കാരണമാകാം” എന്നേ ഈ പഠനം മുന്നറിയിപ്പു നല്‍കുന്നുള്ളൂ.

പച്ചക്കറിയിലൂടെയും മാംസാഹാരത്തിലൂടെയും ഉണ്ടാവാന്‍ സാധ്യതയുള്ള
ഇ-കോളൈ അണുബാധ തടയാന്‍ നിലവിലെ അറിവുകള്‍ വച്ച് നമ്മളാല്‍ ചെയ്യാവുന്ന ചിലത് താഴെ കൊടുക്കുന്നു:

a). മാംസം, പച്ചക്കറികള്‍ എന്നിവ കൈകാര്യം ചെയ്താൽ കൈകൾ ചെറു ചൂടിൽ കഴുകുക. നഖത്തിനടിയിലെ അഴുക്ക് പഴയൊരു ടൂത്ത് ബ്രഷ് ഉപയോഗിച്ച് ഉരച്ചുകളയുക.

b). ചെറു ചൂടിൽ പച്ചക്കറികൾ കഴുകുക. മാർദ്ദവമുള്ള ഒരു ബ്രഷ് ഉപയോഗിച്ച് ചെറുതായി ഉരച്ച് മണ്ണും ചെളിയും കളയുക. ഒഴുകിപ്പോകുന്ന വെള്ളത്തിൽ കഴുകാൻ ശ്രദ്ധിക്കുക. പാത്രത്തിലെടുത്ത വെള്ളത്തിലിട്ട് കഴുകിയിട്ട് കാര്യമില്ല – പൈപ്പിനടിയിൽ പിടിക്കൂ ….. 😉

c) മുറിച്ചു കഴിഞ്ഞ് ബാക്കി വരുന്ന പച്ചക്കറിയും പഴങ്ങളും ഫ്രിഡ്ജിൽ (5 ഡിഗ്രി സെന്റീഗ്രേഡ്) സുക്ഷിക്കുക.

d). മാംസം 70ഡിഗ്രി സെല്‍ഷസിലെങ്കിലും വേവിക്കേണ്ടതുണ്ട്. (നമ്മുടെ നാട്ടില്‍ അതില്‍ കൂടുതല്‍ ചൂ‍ടുപയോഗിക്കാറുണ്ടെന്നത് നല്ല കാര്യം. വിദേശത്ത് പലപ്പോഴും rare, medium എന്നിങ്ങനെ കാര്യമായി പാകം ചെയ്യാതെയും ഭക്ഷണശാലകളില്‍ മാംസം കിട്ടും). ബീൻസ്, പയറ് വർഗ്ഗങ്ങൾ എന്നിവ കഴിവതും വേവിച്ചു മാത്രം കഴിക്കുക.

e). ചീഞ്ഞ ഭാഗങ്ങൾ ഒരുകാരണവശാലും തിന്നരുത് (അതു പിന്നെ പറയണോ … ?!)

f). ആട് മാടുകളുമായി ഇടപഴകിക്കഴിഞ്ഞാല്‍ വൃത്തിയായി ശരീരം കഴുകിയിട്ട് മാത്രം ആഹാരം പാകം ചെയ്യുക.

g) പാല്‍ പാസ്ചറൈസ് ചെയ്തതോ തിളപ്പിച്ചതോ മാത്രം ഉപയോഗിക്കുക.

h) കെട്ടിക്കിടക്കുന്ന വെള്ളം – വിശേഷിച്ച് തൊഴുത്ത്, ഡെയറി ഫാം എന്നിവയ്ക്കടുത്തുള്ളവ – കോളിഫോം ബാക്ടീരിയകളുടെ വിഹാര കേന്ദ്രമാണ്. അവ ഒഴിവാക്കുക.

കുറിപ്പുകള്‍:

1. Incorporation of a non-human glycan mediates human susceptibility to a bacterial toxin (ലിങ്ക്)
Nature , doi:10.1038/nature07428; Received 24 June 2008; Accepted 15 September 2008; Published online 29 October 2008

2. Mechanism of Uptake and Incorporation of the Non-human Sialic Acid N-Glycolylneuraminic Acid into Human Cells (ലിങ്ക്) J. Biol. Chem., Vol. 280, Issue 6, 4228-4237, February 11, 2005

3. Human uptake and incorporation of an immunogenic nonhuman dietary sialic acid. (ലിങ്ക്) Proc Natl Acad Sci U S A. 2003 October 14; 100(21): 12045–12050. Published online 2003 October 1

4. Interactions between Food-Borne Pathogens and Protozoa Isolated from Lettuce and Spinach(ലിങ്ക്) Applied and Environmental Microbiology, April 2008, p. 2518-2525, Vol.74, No.8

* * *
ഡിസ്ക്ലെയിമര്‍
ഈ പോസ്റ്റോ അതിലെ ആശയങ്ങളോ സസ്യാഹാരശീലത്തിനെതിരല്ല. അങ്ങനെ വ്യാഖ്യാനിക്കരുതെന്നപേക്ഷ.
Advertisements
 

13 Responses to “മാംസാഹാരം ശരീരത്തെ ഒറ്റിക്കൊടുക്കുമോ ? (കമന്റ്)”

  1. Haree | ഹരീ Says:

    🙂
    നമ്മളാല്‍ ചെയ്യുവാന്‍ കഴിയുന്നതെഴുതിയത് നന്നായി. ചെറുചൂടില്‍ പച്ചക്കറികള്‍ കഴുകണമെന്നതുമാത്രം പുതിയതായി ശീലക്കണം.
    നന്ദി സൂരജ്…

    (ഈ ‘വര്‍ക്കി സാറേ’ വിളി ഒഴിവാക്കിക്കൂടേ!)

  2. Haree | ഹരീ Says:

    🙂
    നമ്മളാല്‍ ചെയ്യുവാന്‍ കഴിയുന്നതെഴുതിയത് നന്നായി. ചെറുചൂടില്‍ പച്ചക്കറികള്‍ കഴുകണമെന്നതുമാത്രം പുതിയതായി ശീലക്കണം.
    നന്ദി സൂരജ്…

    (ഈ ‘വര്‍ക്കി സാറേ’ വിളി ഒഴിവാക്കിക്കൂടേ!)

  3. Harold Says:

    ഹാവൂ..ആശ്വാസമായി
    വല്ലപ്പോഴും ഒക്കെ പോത്തുകാലപ്പനെ സേവിക്കേണ്ടതാണേ..
    നന്നായി വേവിച്ചോളാമേ..

  4. Harold Says:

    ഹാവൂ..ആശ്വാസമായി
    വല്ലപ്പോഴും ഒക്കെ പോത്തുകാലപ്പനെ സേവിക്കേണ്ടതാണേ..
    നന്നായി വേവിച്ചോളാമേ..

  5. അനില്‍@ബ്ലോഗ് Says:

    നന്ദി സൂരജ്,

    ഞാന്‍ ഇതിന്മേല്‍ ഗവേഷണം (ഗൂഗ്ലിംഗ് ആണെ)നടത്തിക്കൊണ്ടിരിക്കുകയായിരുന്നു.

    തെറ്റിദ്ധാരണ മാറ്റാനുതകുന്ന ഈ പോസ്റ്റിനു അഭിനന്ദനവും നന്ദിയും.

  6. അനില്‍@ബ്ലോഗ് Says:

    നന്ദി സൂരജ്,

    ഞാന്‍ ഇതിന്മേല്‍ ഗവേഷണം (ഗൂഗ്ലിംഗ് ആണെ)നടത്തിക്കൊണ്ടിരിക്കുകയായിരുന്നു.

    തെറ്റിദ്ധാരണ മാറ്റാനുതകുന്ന ഈ പോസ്റ്റിനു അഭിനന്ദനവും നന്ദിയും.

  7. സി. കെ. ബാബു Says:

    മാംസാഹാരം ശരീരത്തെ ഒറ്റിക്കൊടുക്കുന്നു എന്ന തലക്കെട്ടു് misleading ആയി തോന്നിയിരുന്നു. മാംസാഹാരം അതില്‍ത്തന്നെ മനുഷ്യശരീരത്തിന്റെ ഒറ്റുകാരനെങ്കില്‍ സായിപ്പു് എന്നൊരു വര്‍ഗ്ഗം പണ്ടേ ഭൂമിയില്‍നിന്നും അപ്രത്യക്ഷമായേനെ!

    ഭാരതീയര്‍ കൂട്ടമരണത്തിനു്‌ അടിമപ്പെടാത്തതിനു് ഒരു കാരണം ആഹാരസാധനങ്ങള്‍ നല്ല ചൂടില്‍ വേവിച്ചും പൊരിച്ചും ഒക്കെ കഴിക്കുന്നതുകൊണ്ടാണു്. മറ്റൊന്നു് “ഗത്യന്തരമില്ലാതെ” മനുഷ്യശരീരം തലമുറകളിലൂടെ വളര്‍ത്തിയെടുത്ത രോഗപ്രതിരോധശക്തിയും.

    ഭാരതീയന്‍ വേവിക്കാതെ കഴിക്കുന്ന വസ്തുക്കള്‍ സായിപ്പു്‌ അതുപോലെ കഴിച്ചാല്‍ ഒന്നുകില്‍ ചാവുകയോ, അല്ലെങ്കില്‍ സ്ഥിരവാസം കക്കൂസില്‍ ആവുകയോ ചെയ്യും!

    ഗ്രാമങ്ങളില്‍ പറമ്പിലൂടെ ഒഴുകുന്ന മഴവെള്ളം ഒലിച്ചിറങ്ങാത്ത വിധത്തില്‍ ചുറ്റും ഭിത്തി കെട്ടാത്ത കുളങ്ങളിലെ‍ ജലം തിളപ്പിച്ചാറ്റാതെ കുടിച്ചാല്‍ രോഗപ്രതിരോധശക്തി ഇല്ലാത്തവര്‍ക്കു് അതു് മരണജലമായിരിക്കും! ഭിത്തി‍ കെട്ടിയാലും തിളപ്പിച്ചു് അണുക്കളെ നശിപ്പിക്കുന്നതാണു് ഉറപ്പു്‌.

    ഇതൊന്നും പോരാത്തതിനു് പുതിയ കിണറുകളില്‍ കോണ്‍ക്രീറ്റ് റിംഗുകള്‍ വാര്‍ത്തിറക്കുമ്പോള്‍ അവയില്‍ മാരകവിഷമായ “കരി ഓയില്‍” വാരിത്തേയ്ക്കുന്ന ചില യോഗ്യന്മാര്‍ പോലുമുണ്ടു് ഗ്രാമീണകേരളത്തില്‍!

    വര്‍ക്‍ഷോപ്പിലെ കരി ഓയില്‍ എന്ന അപകടകാരി ആയ വെയ്സ്റ്റിനെ പണം മുടക്കി ശാസ്ത്രീയമായി നശിപ്പിക്കുന്നതിനുപകരം അതുവിറ്റു് കാശാക്കുവാന്‍ വരെ കഴിയും കേരളത്തില്‍! പരാതി ഇല്ലാത്തിടത്തു് ജഡ്ജി വേണ്ടല്ലോ! പരാതി ഉണ്ടായാല്‍ തന്നെ അവ പരിശോധിക്കേണ്ടവര്‍ക്കു് ലാഭത്തിന്റെ ഒരംശം കൊടുത്താല്‍ പ്രശ്നം തീരുകയും ചെയ്യും!

    പണ്ഡിതനായ മര്‍ക്കോസ് മാപ്ല പറയുന്നതു് അത്ര പണ്ഡിതനല്ലാത്ത കുഞ്ഞാപ്പിച്ചേട്ടനു് വേദവാക്യം! അതുകൊണ്ടു് മര്‍ക്കോസ് മാപ്ലയുടെ വര്‍ക്‍ഷോപ്പിലെ കരി ഓയില്‍ കുഞ്ഞാപ്പിച്ചേട്ടന്‍ വിലയ്ക്കുവാങ്ങി കിണറ്റില്‍ ഇറക്കേണ്ട കോണ്‍ക്രീറ്റ് വളയങ്ങളില്‍ നിറയെ വാരിത്തേയ്ക്കുന്നു!

    കെട്ടിടങ്ങളുടെ പണിക്കു്‌ ഉപയോഗിക്കുന്ന‍തും കാന്‍സറിനു്‌ കാരണമാവുമെന്നു്‌ തെളിയിക്കപ്പെട്ടതിനാല്‍ പലരാജ്യങ്ങളിലും നിരോധിച്ചതുമായ ആസ്ബെസ്റ്റോസ്, വിളവുകളിലെ അനിയന്ത്രിതമായ മരുന്നടി അങ്ങനെ മനുഷ്യരുടെ ആരോഗ്യത്തെ ഹനിക്കുന്ന എത്രയോ കാര്യങ്ങളിലേക്കു്‍ കേരളീയ സമൂഹത്തിന്റെ ശ്രദ്ധ തിരിക്കേണ്ട കാലം പണ്ടേ അതിക്രമിച്ചുകഴിഞ്ഞു. അതിനൊക്കെ ആര്‍ക്കു് താത്പര്യം? “എനിക്കും എന്റെ വേണ്ടപ്പെട്ടവര്‍ക്കും തത്കാലം പ്രശ്നമൊന്നുമില്ല. അതുകൊണ്ടു് അവസ്ഥകള്‍ ഇങ്ങനെതന്നെ ഇനിയും തുടരുന്നതില്‍ എനിക്കു് എതിരൊന്നുമില്ല.” അതാണു് സമൂഹത്തെ നയിക്കുന്നവരില്‍ അധികം പേരുടെയും നയം!

    ജനങ്ങളെ സംബന്ധിച്ചാണെങ്കില്‍‌: “മൂപ്പന്റെ വഞ്ചി, കാല്‍‌പണം കൂലി, ചെല്ലുമ്പോള്‍ ചെല്ലട്ടെ, ചെല്ലണേടത്തു്‌ ചെല്ലട്ടെ”! മൂത്തുവന്നാല്‍ ഒരു ഝടിതിപ്രാര്‍ത്ഥന അങ്ങു ചൊല്ലും, അത്രതന്നെ!

  8. സി. കെ. ബാബു Says:

    മാംസാഹാരം ശരീരത്തെ ഒറ്റിക്കൊടുക്കുന്നു എന്ന തലക്കെട്ടു് misleading ആയി തോന്നിയിരുന്നു. മാംസാഹാരം അതില്‍ത്തന്നെ മനുഷ്യശരീരത്തിന്റെ ഒറ്റുകാരനെങ്കില്‍ സായിപ്പു് എന്നൊരു വര്‍ഗ്ഗം പണ്ടേ ഭൂമിയില്‍നിന്നും അപ്രത്യക്ഷമായേനെ!

    ഭാരതീയര്‍ കൂട്ടമരണത്തിനു്‌ അടിമപ്പെടാത്തതിനു് ഒരു കാരണം ആഹാരസാധനങ്ങള്‍ നല്ല ചൂടില്‍ വേവിച്ചും പൊരിച്ചും ഒക്കെ കഴിക്കുന്നതുകൊണ്ടാണു്. മറ്റൊന്നു് “ഗത്യന്തരമില്ലാതെ” മനുഷ്യശരീരം തലമുറകളിലൂടെ വളര്‍ത്തിയെടുത്ത രോഗപ്രതിരോധശക്തിയും.

    ഭാരതീയന്‍ വേവിക്കാതെ കഴിക്കുന്ന വസ്തുക്കള്‍ സായിപ്പു്‌ അതുപോലെ കഴിച്ചാല്‍ ഒന്നുകില്‍ ചാവുകയോ, അല്ലെങ്കില്‍ സ്ഥിരവാസം കക്കൂസില്‍ ആവുകയോ ചെയ്യും!

    ഗ്രാമങ്ങളില്‍ പറമ്പിലൂടെ ഒഴുകുന്ന മഴവെള്ളം ഒലിച്ചിറങ്ങാത്ത വിധത്തില്‍ ചുറ്റും ഭിത്തി കെട്ടാത്ത കുളങ്ങളിലെ‍ ജലം തിളപ്പിച്ചാറ്റാതെ കുടിച്ചാല്‍ രോഗപ്രതിരോധശക്തി ഇല്ലാത്തവര്‍ക്കു് അതു് മരണജലമായിരിക്കും! ഭിത്തി‍ കെട്ടിയാലും തിളപ്പിച്ചു് അണുക്കളെ നശിപ്പിക്കുന്നതാണു് ഉറപ്പു്‌.

    ഇതൊന്നും പോരാത്തതിനു് പുതിയ കിണറുകളില്‍ കോണ്‍ക്രീറ്റ് റിംഗുകള്‍ വാര്‍ത്തിറക്കുമ്പോള്‍ അവയില്‍ മാരകവിഷമായ “കരി ഓയില്‍” വാരിത്തേയ്ക്കുന്ന ചില യോഗ്യന്മാര്‍ പോലുമുണ്ടു് ഗ്രാമീണകേരളത്തില്‍!

    വര്‍ക്‍ഷോപ്പിലെ കരി ഓയില്‍ എന്ന അപകടകാരി ആയ വെയ്സ്റ്റിനെ പണം മുടക്കി ശാസ്ത്രീയമായി നശിപ്പിക്കുന്നതിനുപകരം അതുവിറ്റു് കാശാക്കുവാന്‍ വരെ കഴിയും കേരളത്തില്‍! പരാതി ഇല്ലാത്തിടത്തു് ജഡ്ജി വേണ്ടല്ലോ! പരാതി ഉണ്ടായാല്‍ തന്നെ അവ പരിശോധിക്കേണ്ടവര്‍ക്കു് ലാഭത്തിന്റെ ഒരംശം കൊടുത്താല്‍ പ്രശ്നം തീരുകയും ചെയ്യും!

    പണ്ഡിതനായ മര്‍ക്കോസ് മാപ്ല പറയുന്നതു് അത്ര പണ്ഡിതനല്ലാത്ത കുഞ്ഞാപ്പിച്ചേട്ടനു് വേദവാക്യം! അതുകൊണ്ടു് മര്‍ക്കോസ് മാപ്ലയുടെ വര്‍ക്‍ഷോപ്പിലെ കരി ഓയില്‍ കുഞ്ഞാപ്പിച്ചേട്ടന്‍ വിലയ്ക്കുവാങ്ങി കിണറ്റില്‍ ഇറക്കേണ്ട കോണ്‍ക്രീറ്റ് വളയങ്ങളില്‍ നിറയെ വാരിത്തേയ്ക്കുന്നു!

    കെട്ടിടങ്ങളുടെ പണിക്കു്‌ ഉപയോഗിക്കുന്ന‍തും കാന്‍സറിനു്‌ കാരണമാവുമെന്നു്‌ തെളിയിക്കപ്പെട്ടതിനാല്‍ പലരാജ്യങ്ങളിലും നിരോധിച്ചതുമായ ആസ്ബെസ്റ്റോസ്, വിളവുകളിലെ അനിയന്ത്രിതമായ മരുന്നടി അങ്ങനെ മനുഷ്യരുടെ ആരോഗ്യത്തെ ഹനിക്കുന്ന എത്രയോ കാര്യങ്ങളിലേക്കു്‍ കേരളീയ സമൂഹത്തിന്റെ ശ്രദ്ധ തിരിക്കേണ്ട കാലം പണ്ടേ അതിക്രമിച്ചുകഴിഞ്ഞു. അതിനൊക്കെ ആര്‍ക്കു് താത്പര്യം? “എനിക്കും എന്റെ വേണ്ടപ്പെട്ടവര്‍ക്കും തത്കാലം പ്രശ്നമൊന്നുമില്ല. അതുകൊണ്ടു് അവസ്ഥകള്‍ ഇങ്ങനെതന്നെ ഇനിയും തുടരുന്നതില്‍ എനിക്കു് എതിരൊന്നുമില്ല.” അതാണു് സമൂഹത്തെ നയിക്കുന്നവരില്‍ അധികം പേരുടെയും നയം!

    ജനങ്ങളെ സംബന്ധിച്ചാണെങ്കില്‍‌: “മൂപ്പന്റെ വഞ്ചി, കാല്‍‌പണം കൂലി, ചെല്ലുമ്പോള്‍ ചെല്ലട്ടെ, ചെല്ലണേടത്തു്‌ ചെല്ലട്ടെ”! മൂത്തുവന്നാല്‍ ഒരു ഝടിതിപ്രാര്‍ത്ഥന അങ്ങു ചൊല്ലും, അത്രതന്നെ!

  9. JA Says:

    സൂരജ്‌,
    ഇത്ര ഇന്‍ഫര്‍മേറ്റീവായ കമന്റിടാന്‍ നടത്തിയ ശ്രമത്തിനും അതിന്‌ സമയം കണ്ടെത്തിയതിനും നന്ദി.

    സുദീര്‍ഘമായ ഈ കമന്റിലൂടെ താങ്കള്‍ പറയാന്‍ ശ്രമിച്ചത്‌, ഡോ.അജിത്‌ വര്‍ക്കിയും സംഘവും നടത്തിയ കണ്ടെത്തല്‍ ‘കുറിഞ്ഞി ഓണ്‍ലൈന്‍’ റിപ്പോര്‍ട്ടു ചെയ്‌തത്‌ യാഥാര്‍ഥ്യത്തിന്‌ നിരക്കുന്ന തരത്തിലല്ല, വളച്ചൊടിച്ചാണ്‌ എന്നാണല്ലോ. താങ്കളുടെ കമന്റിന്‌ പിന്നിലെ ആത്മാര്‍ഥതയെയും, വിജ്ഞാനം വളച്ചൊടിക്കപ്പെടാന്‍ പാടില്ല എന്ന ശക്തമായ നിലപാടും ശ്ലാഘനീയം തന്നെയാണ്‌. പക്ഷേ, ആ കമന്റ്‌ വഴി വായനക്കാര്‍ക്ക്‌ അല്‍പ്പം ആശയക്കുഴപ്പം ഉണ്ടായെന്ന്‌ പാര്‍ഥന്റെ വാക്കുകളില്‍ നിന്ന്‌ (‘ഗവേഷണഫലവും വളച്ചാല്‍ വളയും…’) വ്യക്തം.

    ഈ സാഹചര്യത്തില്‍, സാക്ഷാല്‍ ഡോ.അജിത്‌ വര്‍ക്കിയുടെ സര്‍വകലാശാല ഈ ഗവേഷണത്തെപ്പറ്റി പുറത്തു വിട്ട വാര്‍ത്താക്കുറിപ്പ്‌ ഇവിടെ ചേര്‍ക്കുന്നു….

    Embargoed for release: 29-Oct-2008 14:00 Eastern US Time
    [ Print Article | Close Window ]

    Contact: Debra Kain
    ddkain@ucsd.edu
    619-543-6163
    University of California – San Diego
    Eating red meat sets up target for disease-causing bacteria

    Non-human molecules absorbed by eating red meat increase risk of food poisoning in humans

    Offering another reason why eating red meat could be bad for you, an international research team, including University of California, San Diego School of Medicine professor Ajit Varki, M.D., has uncovered the first example of a bacterium that causes food poisoning in humans when it targets a non-human molecule absorbed into the body through red meats such as lamb, pork and beef.

    In findings to be published on line October 29th in advance of print in the journal Nature, the scientists discovered that a potent bacterial toxin called subtilase cytotoxin specifically targets human cells that have a non-human, cellular molecule on their surface. The molecule �N-glycolylneuraminic acid (Neu5Gc) � is a type of glycan, or sugar molecule, that humans don’t naturally produce.

    Subtilase cytotoxin is produced by certain kinds of E. coli bacteria, causing bloody diarrhea and a potentially fatal disease called haemolytic uraemic syndrome (HUS) in humans. Humans usually become infected after eating contaminated red meat, which is why this is also known as “hamburger” disease.

    Varki, UC San Diego School of Medicine distinguished professor of medicine and cellular and molecular medicine, and co-director of the UCSD Glycobiology Research and Training Center, previously discovered that humans don’t produce Neu5Gc because they lack the gene responsible for its production. Therefore, it was thought that humans should be resistant to the toxin.

    “Ironically, humans may set themselves up for an increased risk of illness from this kind of E. coli bacteria present in contaminated red meat or dairy, because these very same products have high-levels of Neu5Gc,” Varki explained. “The Neu5Gc molecule is absorbed into the body, making it a target for the toxin produced by E. coli.”

    In the Nature study, the researchers discovered that sites where the Neu5Gc has been incorporated into the human body coincide with toxin binding. “When the toxin binds to the non-human Neu5Gc receptors, it can result in serious food-poisoning and other symptoms in humans,” said Varki. The research emphasizes the need for people to eat only well-cook meat or pasteurized dairy products, processes that destroy contaminating bacteria.

    Five years ago, Varki and his colleagues at the UC San Diego School of Medicine published a paper in the Proceedings of the National Academy of Sciences describing how Neu5Gc is absorbed into human tissues � including the surface of cells lining the intestines and blood vessels � as a result of eating red meat and milk products. At the time, the researchers also showed that this foreign molecule generates an immune response that could potentially lead to inflammation in human tissues. The UC San Diego study was the first to investigate human dietary absorption of the Neu5Gc glycans which, while not produced in humans, does occur naturally in red meats. Levels are very low or undetectable in fruits, vegetables, eggs, poultry and fish. The researchers proved that people who ingest Neu5Gc incorporate some of it into their tissues, and demonstrated that many generated an immune response against the molecule, conjecturing that a lifetime of gradual incorporation of this glycan “invader” could result in disease.

    ###
    The UC San Diego team included postdoctoral fellow Jonas C. L�fling and professor of pathology Nissi M. Varki. The international research collaborators included Jamie Rossjohn and Dr. Travis Beddoe, as well as Emma Byres and Matthew C.C. Wilce from Monash University in Victoria, Australia; Adrienne W. Paton, James C. Paton, Ursula M. Talbot and Damien C. Chong of the University of Adelaide, South Australia; David F. Smith, Emory University School of Medicine, Atlanta, Georgia; and Hai Yu, Shengshu Huang and Xi Chen, UC Davis Department of Chemistry.

    The research was funded by the National Institutes of Health, and by Australia’s National Health and Medical Research Council.

    NB: മാട്ടിറച്ചിയും ആട്ടിറച്ചിയും പന്നിയിറച്ചിയും മറ്റും കഴിക്കുക വഴി ശരീരത്തിലെത്തുന്ന ഒരു അന്യതന്മാത്ര, ശരീരത്തെ അപകടപ്പെടുത്താന്‍ അവസരമൊരുക്കിക്കൊടുക്കുന്നതിനെ ‘ഒറ്റിക്കൊടുക്കുക’ എന്നു വിശേഷിപ്പിക്കുന്നതില്‍ തെറ്റുണ്ടോ. അതേ കുറിഞ്ഞി ഓണ്‍ലൈനിലെ റിപ്പോര്‍ട്ടിന്റെ തലവാചകം ചെയ്‌തിട്ടുള്ളൂ.
    -ജോസഫ്‌ ആന്റണി

  10. JA Says:

    സൂരജ്‌,
    ഇത്ര ഇന്‍ഫര്‍മേറ്റീവായ കമന്റിടാന്‍ നടത്തിയ ശ്രമത്തിനും അതിന്‌ സമയം കണ്ടെത്തിയതിനും നന്ദി.

    സുദീര്‍ഘമായ ഈ കമന്റിലൂടെ താങ്കള്‍ പറയാന്‍ ശ്രമിച്ചത്‌, ഡോ.അജിത്‌ വര്‍ക്കിയും സംഘവും നടത്തിയ കണ്ടെത്തല്‍ ‘കുറിഞ്ഞി ഓണ്‍ലൈന്‍’ റിപ്പോര്‍ട്ടു ചെയ്‌തത്‌ യാഥാര്‍ഥ്യത്തിന്‌ നിരക്കുന്ന തരത്തിലല്ല, വളച്ചൊടിച്ചാണ്‌ എന്നാണല്ലോ. താങ്കളുടെ കമന്റിന്‌ പിന്നിലെ ആത്മാര്‍ഥതയെയും, വിജ്ഞാനം വളച്ചൊടിക്കപ്പെടാന്‍ പാടില്ല എന്ന ശക്തമായ നിലപാടും ശ്ലാഘനീയം തന്നെയാണ്‌. പക്ഷേ, ആ കമന്റ്‌ വഴി വായനക്കാര്‍ക്ക്‌ അല്‍പ്പം ആശയക്കുഴപ്പം ഉണ്ടായെന്ന്‌ പാര്‍ഥന്റെ വാക്കുകളില്‍ നിന്ന്‌ (‘ഗവേഷണഫലവും വളച്ചാല്‍ വളയും…’) വ്യക്തം.

    ഈ സാഹചര്യത്തില്‍, സാക്ഷാല്‍ ഡോ.അജിത്‌ വര്‍ക്കിയുടെ സര്‍വകലാശാല ഈ ഗവേഷണത്തെപ്പറ്റി പുറത്തു വിട്ട വാര്‍ത്താക്കുറിപ്പ്‌ ഇവിടെ ചേര്‍ക്കുന്നു….

    Embargoed for release: 29-Oct-2008 14:00 Eastern US Time
    [ Print Article | Close Window ]

    Contact: Debra Kain
    ddkain@ucsd.edu
    619-543-6163
    University of California – San Diego
    Eating red meat sets up target for disease-causing bacteria

    Non-human molecules absorbed by eating red meat increase risk of food poisoning in humans

    Offering another reason why eating red meat could be bad for you, an international research team, including University of California, San Diego School of Medicine professor Ajit Varki, M.D., has uncovered the first example of a bacterium that causes food poisoning in humans when it targets a non-human molecule absorbed into the body through red meats such as lamb, pork and beef.

    In findings to be published on line October 29th in advance of print in the journal Nature, the scientists discovered that a potent bacterial toxin called subtilase cytotoxin specifically targets human cells that have a non-human, cellular molecule on their surface. The molecule �N-glycolylneuraminic acid (Neu5Gc) � is a type of glycan, or sugar molecule, that humans don’t naturally produce.

    Subtilase cytotoxin is produced by certain kinds of E. coli bacteria, causing bloody diarrhea and a potentially fatal disease called haemolytic uraemic syndrome (HUS) in humans. Humans usually become infected after eating contaminated red meat, which is why this is also known as “hamburger” disease.

    Varki, UC San Diego School of Medicine distinguished professor of medicine and cellular and molecular medicine, and co-director of the UCSD Glycobiology Research and Training Center, previously discovered that humans don’t produce Neu5Gc because they lack the gene responsible for its production. Therefore, it was thought that humans should be resistant to the toxin.

    “Ironically, humans may set themselves up for an increased risk of illness from this kind of E. coli bacteria present in contaminated red meat or dairy, because these very same products have high-levels of Neu5Gc,” Varki explained. “The Neu5Gc molecule is absorbed into the body, making it a target for the toxin produced by E. coli.”

    In the Nature study, the researchers discovered that sites where the Neu5Gc has been incorporated into the human body coincide with toxin binding. “When the toxin binds to the non-human Neu5Gc receptors, it can result in serious food-poisoning and other symptoms in humans,” said Varki. The research emphasizes the need for people to eat only well-cook meat or pasteurized dairy products, processes that destroy contaminating bacteria.

    Five years ago, Varki and his colleagues at the UC San Diego School of Medicine published a paper in the Proceedings of the National Academy of Sciences describing how Neu5Gc is absorbed into human tissues � including the surface of cells lining the intestines and blood vessels � as a result of eating red meat and milk products. At the time, the researchers also showed that this foreign molecule generates an immune response that could potentially lead to inflammation in human tissues. The UC San Diego study was the first to investigate human dietary absorption of the Neu5Gc glycans which, while not produced in humans, does occur naturally in red meats. Levels are very low or undetectable in fruits, vegetables, eggs, poultry and fish. The researchers proved that people who ingest Neu5Gc incorporate some of it into their tissues, and demonstrated that many generated an immune response against the molecule, conjecturing that a lifetime of gradual incorporation of this glycan “invader” could result in disease.

    ###
    The UC San Diego team included postdoctoral fellow Jonas C. L�fling and professor of pathology Nissi M. Varki. The international research collaborators included Jamie Rossjohn and Dr. Travis Beddoe, as well as Emma Byres and Matthew C.C. Wilce from Monash University in Victoria, Australia; Adrienne W. Paton, James C. Paton, Ursula M. Talbot and Damien C. Chong of the University of Adelaide, South Australia; David F. Smith, Emory University School of Medicine, Atlanta, Georgia; and Hai Yu, Shengshu Huang and Xi Chen, UC Davis Department of Chemistry.

    The research was funded by the National Institutes of Health, and by Australia’s National Health and Medical Research Council.

    NB: മാട്ടിറച്ചിയും ആട്ടിറച്ചിയും പന്നിയിറച്ചിയും മറ്റും കഴിക്കുക വഴി ശരീരത്തിലെത്തുന്ന ഒരു അന്യതന്മാത്ര, ശരീരത്തെ അപകടപ്പെടുത്താന്‍ അവസരമൊരുക്കിക്കൊടുക്കുന്നതിനെ ‘ഒറ്റിക്കൊടുക്കുക’ എന്നു വിശേഷിപ്പിക്കുന്നതില്‍ തെറ്റുണ്ടോ. അതേ കുറിഞ്ഞി ഓണ്‍ലൈനിലെ റിപ്പോര്‍ട്ടിന്റെ തലവാചകം ചെയ്‌തിട്ടുള്ളൂ.
    -ജോസഫ്‌ ആന്റണി

  11. സൂരജ് :: suraj Says:

    ഹരീഭായ്,ഹാരോള്‍ഡ് മാഷേ, അനില്‍ ജീ, ബാബു മാഷ്, വായനയ്ക്കും അഭിപ്രായങ്ങള്‍ക്കും നന്ദി.

    പ്രിയ ജോസഫ് മാഷ്,

    1. മാഷിന്റെ പോസ്റ്റിലിട്ട കമന്റില്‍ ഞാന്‍ ഇങ്ങനെ എഴുതി : “തെറ്റിദ്ധാരണാ ജനകമായ റിസേര്‍ച് റിപ്പോര്‍ട്ടിംഗിന്റെ ഉദാഹരണമായി ഈ പോസ്റ്റ് എന്നു പറയാതെ വയ്യ ജോസഫ് മാഷേ.”

    എന്നാല്‍ താങ്കളുടെ ഈ പോസ്റ്റ് ആധാരമാക്കിയ പഠനങ്ങളുടെ (നേചറിലും മറ്റും വന്ന) അസ്സല്‍ അല്ലാതെ അതിനെ വാര്‍ത്തയായി റിപ്പോര്‍ട്ട് ചെയ്ത ന്യൂ സയന്റിസ്റ്റിന്റേതൊഴികെയുള്ള വെബ് സൈറ്റുകള്‍ ഞാന്‍ കണ്ടിരുന്നില്ല.

    ഈ കമന്റ് ഒരു പോസ്റ്റായി എന്റെ ബ്ലോഗില്‍ ഇടും മുന്‍പ് നോക്കിയപ്പോഴാണ് മിക്ക വെബ് സൈറ്റുകളും – സയന്‍സ് ഡെയ്ലി പോലെ ശാസ്ത്രവാര്‍ത്തകള്‍ റിപ്പോര്‍ട്ട് ചെയ്യുന്നവയുള്‍പ്പടെ – ഇതിനെ തെറ്റായി വ്യാഖ്യാനിച്ചിരിക്കുന്നത് ശ്രദ്ധിച്ചത്.

    അതിനാല്‍ മേല്‍ കമന്റില്‍ പറഞ്ഞ വാചകം മെഡിസിന്‍@ബൂലോകത്തില്‍ പോസ്റ്റാക്കിയപ്പോള്‍ ഇങ്ങനെ കൂട്ടിച്ചേര്‍ത്തു: “..മാഷ് മാത്രമല്ല, പല വെബ് സൈറ്റുകളും, വിശേഷിച്ച് വെജിറ്റേറിയനിസം പ്രമോട്ട് ചെയ്യുന്നവ, വളച്ചൊടിച്ചാണ് ഈ ഗവേഷണം റിപ്പോര്‍ട്ട് ചെയ്തിട്ടുള്ളത്.”

    University of California – San Diego വാര്‍ത്തയും കുറച്ചൊക്കെ ഈ വ്യാഖ്യാനപ്പിഴവ് വരുത്തിയിട്ടുണ്ട്.ഉദാഹരണം :“..Offering another reason why eating red meat could be bad for you…” എന്ന വാചകം തന്നെ.

    2. പ്രൊഫ:വര്‍ക്കിയുടെ പഠനങ്ങള്‍ ബയോക്കെമിക്കല്‍ നിലവാരത്തില്‍ ഉള്ള പഠനമാണ്. അവയൊന്നും തന്നെ പോപ്പുലേയ്ഷന്‍ പഠനമല്ല.അതിനാല്‍ ആ മെക്കാനിസം സാമാന്യവല്‍ക്കരിക്കും മുന്‍പ് ഒരുപാട് കടമ്പകള്‍ കടക്കാനുണ്ട്.

    ലളിതമായ ഒരു ഉദാഹരണത്തിന് കൊളസ്ട്രോള്‍ ഹൃദ്രോഗത്തിനു കാരണമാകുന്നു എന്ന കണ്ടെത്തല്‍ നോക്കുക. കൊളസ്ട്രോള്‍ ധമനികളില്‍ ബ്ലോക്ക് ഉണ്ടാക്കുന്നതിന്റെ ജൈവരാസതലത്തിലെ മെക്കാനിസം ഏതാനും പരീക്ഷണശാലാ ഗവേഷണത്തിലൂടെ കണ്ടെത്തിയാല്‍ മാത്രം അതിനെ സാമാന്യവല്‍ക്കരിക്കാനാവില്ല. പോപ്പുലേയ്ഷന്‍ പഠനങ്ങളിലൂടെ ഉയര്‍ന്ന രക്ത കൊളസ്ട്രോള്‍ ഉള്ളവരില്‍ ധമനീരോഗസാധ്യത കൂടുതലാണെന്ന തെളിയിക്കപ്പെടണം.കുറഞ്ഞ കൊളസ്ട്രോള്‍ ഉള്ളവരില്‍ മറിച്ചുള്ള തെളിവുകളും കിട്ടണം. കൊളസ്ട്രോള്‍ മൂലമുള്ള ധമനീരോഗം വരുന്നവരില്‍ വ്യാപകമായി ഈ മെക്കാനിസം ആവര്‍ത്തിച്ച് സ്ഥാപിക്കപ്പെടണം…അങ്ങനെയങ്ങനെ കാര്യകാരണ (causal relation)ബന്ധം തെളിയുമ്പോള്‍ മാത്രമേ റിസള്‍ട്ട് ജെനറലൈസ് ചെയ്ത് പ്രായോഗിക തലത്തില്‍ നിര്‍ദ്ദേശങ്ങളാക്കാനാവൂ.

    വര്‍ക്കി സാറിന്റെ പഠനങ്ങള്‍ ചില ബയോമോളിക്യുലാര്‍ മെക്കാനിസങ്ങള്‍ വിശകലനം ചെയ്യുന്ന ലാബ് പഠനങ്ങളാണ്. വലിയ സാമ്പിള്‍ പോപ്പുലേയ്ഷനില്‍ ഗവേഷണം ആവര്‍ത്തിച്ച് അവയുടെ ഫലങ്ങള്‍ സാമാന്യവല്‍ക്കരിക്കാമോ ഇല്ലയോ എന്ന് വാലിഡേറ്റ് ചെയ്യപ്പെട്ടവയല്ല.നാഷണല്‍ അക്കാഡമി ഒഫ് സയന്‍സസ് തന്നെ മാംസാഹാരവും Neu5Gc തമ്മിലെ ബന്ധത്തെക്കുറിച്ച് ഇങ്ങനെ മുന്നറിയിപ്പ് നല്‍കുന്നു: “…[The authors] cautioned that a causal relationship between Neu5Gc expression in human tissues with any human disease would be premature and scientifically speculative at best. Instead, they said their findings point to the need for population-level analyses of the presence of Neu5Gc in human tissues in relationship to disease incidence, and the mechanisms of human incorporation and antibody response against this sugar.”

    Neu5Gc എന്നകണിക Red meat,dairy products-ല്‍ ധാരാളമുള്ളതിനാല്‍ അവ ഭക്ഷണമാക്കുന്നതു വഴിയാകാം ഈ കണിക മനുഷ്യരിലെത്തുന്നത് എന്ന് പരീക്ഷണശാലാപഠനം വഴി അദ്ദേഹത്തിന്റെ ടീം അനുമാനിക്കുന്നു. ഈ കണിക ശരീരത്തിന്റെ പ്രതിരോധസംവിധാനത്തെ പ്രകോപിപ്പിച്ചാവാം ആര്‍ത്രൈറ്റിസ്, സോറിയാസിസ് എന്നിവ പോലുള്ള രോഗങ്ങള്‍ ഉണ്ടാക്കുന്നതെന്നു ആന്റിജെന്‍ ആന്റിബോഡി പ്രതികരണങ്ങളില്‍ നിന്നുള്ള മറ്റൊരു അനുമാനം. താങ്കള്‍ റിപ്പോട്ട് ചെയ്ത പഠനത്തിലാകട്ടെ STEC ബാക്ടീരിയ ഈ കണികയെ ഒരു കൊളുത്തായി ഉപയോഗിച്ച് റെഡ് മാംസം സ്ഥിരമായുപയോഗിക്കുന്ന മനുഷ്യനില്‍ ബ്ലഡിഗ്യാസ്ട്രോ എന്ററൈറ്റിസും എച്.യു.എസും ഉണ്ടാക്കുന്നതിന്റെ ഒരു possible mechanism ആണ് അദ്ദേഹത്തിന്റെ ടീം മുന്നോട്ട് വയ്ക്കുന്നത്.

    3. “മാട്ടിറച്ചിയും ആട്ടിറച്ചിയും പന്നിയിറച്ചിയും മറ്റും കഴിക്കുക വഴി ശരീരത്തിലെത്തുന്ന ഒരു അന്യതന്മാത്ര, ശരീരത്തെ അപകടപ്പെടുത്താന്‍ അവസരമൊരുക്കിക്കൊടുക്കുന്നതിനെ ‘ഒറ്റിക്കൊടുക്കുക’ എന്നു വിശേഷിപ്പിക്കുന്നതില്‍ തെറ്റുണ്ടോ.”

    അങ്ങനെയെഴുതുമ്പോള്‍ അതില്‍ തെറ്റുണ്ടെന്ന് പറയാനാവില്ല. പക്ഷേ “മാംസാഹാരം ശരീരത്തെ ഒറ്റിക്കൊടുക്കുന്നു” എന്നത് മിസ് ലീഡിംഗാണ്.

    മാട്ടിറച്ചിയും ആട്ടിറച്ചിയും സ്ഥിരമായി ഉപയോഗിക്കുന്നവരില്‍ പോലും ഈ പഠനം പോപ്പുലേയ്ഷന്‍ അടിസ്ഥാനത്തില്‍ കാര്യകാരണ ബന്ധം വാലിഡേയ്റ്റ് ചെയ്യപ്പെട്ടിട്ടില്ല എന്നിരിക്കെ മൊത്തം മാംസാഹാരത്തിനും കൂടി തീര്‍പ്പ് കല്പിക്കും വിധമായിപ്പോകുന്നു അത്തരമൊരു തലവാചകവും പോസ്റ്റിലെ സൂചനകളും. (മീന്‍,ടര്‍ക്കി,ചിക്കന്‍ ഇവയിലെ Neu5GC യുടെ അളവ് നിസ്സാരമാണെന്ന് കൂടി ഓര്‍ക്കുക)

    ഒരിക്കല്‍ കൂടി പറയട്ടെ, മാഷ് റിപ്പോര്‍ട്ട് ചെയ്തതിന്റെ പ്രശ്നമല്ല, മാഷിന്റെ സോഴ്സുകള്‍ തന്നെ ഈ വാര്‍ത്ത മിസ് ലീഡിംഗായിട്ടാണ് റിപ്പോര്‍ട്ട് ചെയ്തത്.

    പാര്‍ത്ഥന്‍ ജീയുടെ കമന്റ് അതിനേക്കൂടി ഉദ്ദേശിച്ചുള്ളതായിരിക്കണമെന്ന് ഞാനാശിക്കുന്നു.

  12. സൂരജ് :: suraj Says:

    ഹരീഭായ്,ഹാരോള്‍ഡ് മാഷേ, അനില്‍ ജീ, ബാബു മാഷ്, വായനയ്ക്കും അഭിപ്രായങ്ങള്‍ക്കും നന്ദി.

    പ്രിയ ജോസഫ് മാഷ്,

    1. മാഷിന്റെ പോസ്റ്റിലിട്ട കമന്റില്‍ ഞാന്‍ ഇങ്ങനെ എഴുതി : “തെറ്റിദ്ധാരണാ ജനകമായ റിസേര്‍ച് റിപ്പോര്‍ട്ടിംഗിന്റെ ഉദാഹരണമായി ഈ പോസ്റ്റ് എന്നു പറയാതെ വയ്യ ജോസഫ് മാഷേ.”

    എന്നാല്‍ താങ്കളുടെ ഈ പോസ്റ്റ് ആധാരമാക്കിയ പഠനങ്ങളുടെ (നേചറിലും മറ്റും വന്ന) അസ്സല്‍ അല്ലാതെ അതിനെ വാര്‍ത്തയായി റിപ്പോര്‍ട്ട് ചെയ്ത ന്യൂ സയന്റിസ്റ്റിന്റേതൊഴികെയുള്ള വെബ് സൈറ്റുകള്‍ ഞാന്‍ കണ്ടിരുന്നില്ല.

    ഈ കമന്റ് ഒരു പോസ്റ്റായി എന്റെ ബ്ലോഗില്‍ ഇടും മുന്‍പ് നോക്കിയപ്പോഴാണ് മിക്ക വെബ് സൈറ്റുകളും – സയന്‍സ് ഡെയ്ലി പോലെ ശാസ്ത്രവാര്‍ത്തകള്‍ റിപ്പോര്‍ട്ട് ചെയ്യുന്നവയുള്‍പ്പടെ – ഇതിനെ തെറ്റായി വ്യാഖ്യാനിച്ചിരിക്കുന്നത് ശ്രദ്ധിച്ചത്.

    അതിനാല്‍ മേല്‍ കമന്റില്‍ പറഞ്ഞ വാചകം മെഡിസിന്‍@ബൂലോകത്തില്‍ പോസ്റ്റാക്കിയപ്പോള്‍ ഇങ്ങനെ കൂട്ടിച്ചേര്‍ത്തു: “..മാഷ് മാത്രമല്ല, പല വെബ് സൈറ്റുകളും, വിശേഷിച്ച് വെജിറ്റേറിയനിസം പ്രമോട്ട് ചെയ്യുന്നവ, വളച്ചൊടിച്ചാണ് ഈ ഗവേഷണം റിപ്പോര്‍ട്ട് ചെയ്തിട്ടുള്ളത്.”

    University of California – San Diego വാര്‍ത്തയും കുറച്ചൊക്കെ ഈ വ്യാഖ്യാനപ്പിഴവ് വരുത്തിയിട്ടുണ്ട്.ഉദാഹരണം :“..Offering another reason why eating red meat could be bad for you…” എന്ന വാചകം തന്നെ.

    2. പ്രൊഫ:വര്‍ക്കിയുടെ പഠനങ്ങള്‍ ബയോക്കെമിക്കല്‍ നിലവാരത്തില്‍ ഉള്ള പഠനമാണ്. അവയൊന്നും തന്നെ പോപ്പുലേയ്ഷന്‍ പഠനമല്ല.അതിനാല്‍ ആ മെക്കാനിസം സാമാന്യവല്‍ക്കരിക്കും മുന്‍പ് ഒരുപാട് കടമ്പകള്‍ കടക്കാനുണ്ട്.

    ലളിതമായ ഒരു ഉദാഹരണത്തിന് കൊളസ്ട്രോള്‍ ഹൃദ്രോഗത്തിനു കാരണമാകുന്നു എന്ന കണ്ടെത്തല്‍ നോക്കുക. കൊളസ്ട്രോള്‍ ധമനികളില്‍ ബ്ലോക്ക് ഉണ്ടാക്കുന്നതിന്റെ ജൈവരാസതലത്തിലെ മെക്കാനിസം ഏതാനും പരീക്ഷണശാലാ ഗവേഷണത്തിലൂടെ കണ്ടെത്തിയാല്‍ മാത്രം അതിനെ സാമാന്യവല്‍ക്കരിക്കാനാവില്ല. പോപ്പുലേയ്ഷന്‍ പഠനങ്ങളിലൂടെ ഉയര്‍ന്ന രക്ത കൊളസ്ട്രോള്‍ ഉള്ളവരില്‍ ധമനീരോഗസാധ്യത കൂടുതലാണെന്ന തെളിയിക്കപ്പെടണം.കുറഞ്ഞ കൊളസ്ട്രോള്‍ ഉള്ളവരില്‍ മറിച്ചുള്ള തെളിവുകളും കിട്ടണം. കൊളസ്ട്രോള്‍ മൂലമുള്ള ധമനീരോഗം വരുന്നവരില്‍ വ്യാപകമായി ഈ മെക്കാനിസം ആവര്‍ത്തിച്ച് സ്ഥാപിക്കപ്പെടണം…അങ്ങനെയങ്ങനെ കാര്യകാരണ (causal relation)ബന്ധം തെളിയുമ്പോള്‍ മാത്രമേ റിസള്‍ട്ട് ജെനറലൈസ് ചെയ്ത് പ്രായോഗിക തലത്തില്‍ നിര്‍ദ്ദേശങ്ങളാക്കാനാവൂ.

    വര്‍ക്കി സാറിന്റെ പഠനങ്ങള്‍ ചില ബയോമോളിക്യുലാര്‍ മെക്കാനിസങ്ങള്‍ വിശകലനം ചെയ്യുന്ന ലാബ് പഠനങ്ങളാണ്. വലിയ സാമ്പിള്‍ പോപ്പുലേയ്ഷനില്‍ ഗവേഷണം ആവര്‍ത്തിച്ച് അവയുടെ ഫലങ്ങള്‍ സാമാന്യവല്‍ക്കരിക്കാമോ ഇല്ലയോ എന്ന് വാലിഡേറ്റ് ചെയ്യപ്പെട്ടവയല്ല.നാഷണല്‍ അക്കാഡമി ഒഫ് സയന്‍സസ് തന്നെ മാംസാഹാരവും Neu5Gc തമ്മിലെ ബന്ധത്തെക്കുറിച്ച് ഇങ്ങനെ മുന്നറിയിപ്പ് നല്‍കുന്നു: “…[The authors] cautioned that a causal relationship between Neu5Gc expression in human tissues with any human disease would be premature and scientifically speculative at best. Instead, they said their findings point to the need for population-level analyses of the presence of Neu5Gc in human tissues in relationship to disease incidence, and the mechanisms of human incorporation and antibody response against this sugar.”

    Neu5Gc എന്നകണിക Red meat,dairy products-ല്‍ ധാരാളമുള്ളതിനാല്‍ അവ ഭക്ഷണമാക്കുന്നതു വഴിയാകാം ഈ കണിക മനുഷ്യരിലെത്തുന്നത് എന്ന് പരീക്ഷണശാലാപഠനം വഴി അദ്ദേഹത്തിന്റെ ടീം അനുമാനിക്കുന്നു. ഈ കണിക ശരീരത്തിന്റെ പ്രതിരോധസംവിധാനത്തെ പ്രകോപിപ്പിച്ചാവാം ആര്‍ത്രൈറ്റിസ്, സോറിയാസിസ് എന്നിവ പോലുള്ള രോഗങ്ങള്‍ ഉണ്ടാക്കുന്നതെന്നു ആന്റിജെന്‍ ആന്റിബോഡി പ്രതികരണങ്ങളില്‍ നിന്നുള്ള മറ്റൊരു അനുമാനം. താങ്കള്‍ റിപ്പോട്ട് ചെയ്ത പഠനത്തിലാകട്ടെ STEC ബാക്ടീരിയ ഈ കണികയെ ഒരു കൊളുത്തായി ഉപയോഗിച്ച് റെഡ് മാംസം സ്ഥിരമായുപയോഗിക്കുന്ന മനുഷ്യനില്‍ ബ്ലഡിഗ്യാസ്ട്രോ എന്ററൈറ്റിസും എച്.യു.എസും ഉണ്ടാക്കുന്നതിന്റെ ഒരു possible mechanism ആണ് അദ്ദേഹത്തിന്റെ ടീം മുന്നോട്ട് വയ്ക്കുന്നത്.

    3. “മാട്ടിറച്ചിയും ആട്ടിറച്ചിയും പന്നിയിറച്ചിയും മറ്റും കഴിക്കുക വഴി ശരീരത്തിലെത്തുന്ന ഒരു അന്യതന്മാത്ര, ശരീരത്തെ അപകടപ്പെടുത്താന്‍ അവസരമൊരുക്കിക്കൊടുക്കുന്നതിനെ ‘ഒറ്റിക്കൊടുക്കുക’ എന്നു വിശേഷിപ്പിക്കുന്നതില്‍ തെറ്റുണ്ടോ.”

    അങ്ങനെയെഴുതുമ്പോള്‍ അതില്‍ തെറ്റുണ്ടെന്ന് പറയാനാവില്ല. പക്ഷേ “മാംസാഹാരം ശരീരത്തെ ഒറ്റിക്കൊടുക്കുന്നു” എന്നത് മിസ് ലീഡിംഗാണ്.

    മാട്ടിറച്ചിയും ആട്ടിറച്ചിയും സ്ഥിരമായി ഉപയോഗിക്കുന്നവരില്‍ പോലും ഈ പഠനം പോപ്പുലേയ്ഷന്‍ അടിസ്ഥാനത്തില്‍ കാര്യകാരണ ബന്ധം വാലിഡേയ്റ്റ് ചെയ്യപ്പെട്ടിട്ടില്ല എന്നിരിക്കെ മൊത്തം മാംസാഹാരത്തിനും കൂടി തീര്‍പ്പ് കല്പിക്കും വിധമായിപ്പോകുന്നു അത്തരമൊരു തലവാചകവും പോസ്റ്റിലെ സൂചനകളും. (മീന്‍,ടര്‍ക്കി,ചിക്കന്‍ ഇവയിലെ Neu5GC യുടെ അളവ് നിസ്സാരമാണെന്ന് കൂടി ഓര്‍ക്കുക)

    ഒരിക്കല്‍ കൂടി പറയട്ടെ, മാഷ് റിപ്പോര്‍ട്ട് ചെയ്തതിന്റെ പ്രശ്നമല്ല, മാഷിന്റെ സോഴ്സുകള്‍ തന്നെ ഈ വാര്‍ത്ത മിസ് ലീഡിംഗായിട്ടാണ് റിപ്പോര്‍ട്ട് ചെയ്തത്.

    പാര്‍ത്ഥന്‍ ജീയുടെ കമന്റ് അതിനേക്കൂടി ഉദ്ദേശിച്ചുള്ളതായിരിക്കണമെന്ന് ഞാനാശിക്കുന്നു.

  13. asharaf Says:

    സുഹൃത്തെ

    എന്ടെ പേര്‍ അഷ്‌റഫ്‌ കേരലത്തില്‍ കോട്ടക്കലില്‍ ഇപ്പോള്‍ ദുബൈയില്‍ ജോലി ചെയയുഉന്നു യനിക്ക് പ്സോരിയസിസ്‌ രോഗമുണ്ട് പല ചികിത്സ യിലും വേണ്ട പോലെ സുഖം കിട്ടുന്നിനല്ല ഒരു നല്ല ചികിത്സ പറഞ്ഞു തരുമോ


ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )